साउथ इष्ट रिजनल तमुधिं लन्डनमा नयाँ कार्यसमिति चयन

लन्डन । साउथ इष्ट रिजनल तमुधिं लन्डनमा नयाँ कार्यसमिति चयन भएको छ । प्लमस्टिडमा शनिबार भएको २३ औं वार्षिक साधरणसभा तथा १० औं अधिवेशनले समाजसेवी शिवराम गुरुङ (बीईएम)को अध्यक्ष रहेको नयाँ कार्यसमिति चयन गरेको हो । उहाँ यसअघि उपाध्यक्ष हुनुहुन्थ्यो ।

उपाध्यक्षहरुमा मिना गुरुङ र याम गुरुङ, सचिव कमल गुरुङ, सहसचिव सुशील गुरुङ, कोषाध्यक्षमा दिक्पाल गुरुङ, सहकोषाध्यक्ष दिता गुरुङ चयन हुनुभएको छ ।

त्यसैगरी, सदस्यहरुमा पानबहादुर गुरुङ, नन्दराज गुरुङ, प्रेमबहादुर गुरुङ, याम गुरुङ (पुष्पा), सर्जु गुरुङ, खड्कबहादुर गुरुङ, मनिता घले, टिक शुभ गुरुङ, रुपमाया गुरुङ, रन्जु घोताने, चिज गुरुङ, भिमकुमारी गुरुङ, लक्ष्मी गुरुङ र सविता गुरुङ चयन भएको हुनुभएको छ । निर्वाचन प्रमुख आयुक्त योगेश गुरुङले जानकारी दिनुभयो ।

नवनिर्वाचित कार्यसमितिको नाम घोषणा गरेका थिए भने सदस्यसचिव एवं पूर्वअध्यक्ष हरिगोविन्द गुरुङले कार्यसमितिलाई शपथ खुवाउनुभएको थियो ।

निर्वाचन समितिमा योगेश गुरुङ प्रमुख निर्वाचन आयुक्त, पूर्वअध्यक्ष हरि गोविन्द गुरुङ सचिव र सल्लाहकार जगदीश गुरुङ सदस्य हुनुहुन्थ्यो ।

नयाँ कार्यसमिति चयनअघि प्रेमकुमार गुरुङको सभापतित्वमा भएको वार्षिक साधारणसभाले आर्थिक र वार्षिक प्रतिवेदन पारित गरेको थियो ।

सचिव कमल गुरुङले कार्यक्रम सञ्चालन गर्दै आफ्नो प्रतिवेदन पेस गर्नुभएको थियो । पूर्वअध्यक्षहरुले शुभकामना मन्तव्य राख्नुभएको थियो । कोषाध्यक्ष सुवास गुरुङले आफ्नो वार्षिक प्रतिवेदन पेस गरी अनुमोदन गराउनुभएको थियो । संस्थाको विधान संशोधन प्रस्ताव सुमलकुमार गुरुङले राख्नुभएको थियो ।