नेपालको सुदूरपश्चिम प्रदेशको मुख्यमन्त्रीमा कांग्रेस नेता कमलबहादुर शाह नियुक्त

काठमाडौं । नेपालको सुदूरपश्चिम प्रदेशको मुख्यमन्त्रीमा नेपाली कांग्रेस संसदीय दलका नेता कमलबहादुर शाह नियुक्त हुनभएको छ ।

शाहलाई प्रदेश प्रमुख नजिर मियाँले आइतबार मुख्यमन्त्री नियुक्त गर्नुभएको हो । शाहले आइतबार बिहान नेकपा एमालेको समर्थनमा मुख्यमन्त्रीमा दाबी पेस गर्नुभएको थियो ।

शाह दोस्रोपटक सुदूरपश्चिमको मुख्यमन्त्री बन्नुभएको हो । पहिलाेपटक २६ माघ २०७९ मा मुख्यमन्त्री बन्नुभएका शाहले २२ चैतमा राजनीतिक समीकरण फेरिएपछि राजीनामा दिनुभएको थियो । उहाँ समग्रमा सुदूरपश्चिमका पाँचौं मुख्यमन्त्री हुनुहुन्छ । प्रदेशसभाको पहिलो कार्यकालको ५ वर्ष नै माओवादी केन्द्रका त्रिलोचन भट्ट सुदूरपश्चिमको मुख्यमन्त्री बन्नुभएको थियो ।