दीपक मनाङ्गे प्रदेशसभामा निर्विरोध निर्वाचित

मनाङ । प्रतिनिधिसभा तथा प्रदेशसभा सदस्यका लागि यही मंसिर ४ गत हुने निर्वाचनका क्रममा हिमाली जिल्ला मनाङबाट प्रदेशसभा सदस्यमा दीपक मनाङ्गे (राजीव गुरुङ) निर्विरोध निर्वाचित हुनुभएको छ ।
मनाङको प्रदेशसभा निर्वाचन क्षेत्र ‘ख’बाट प्रदेशसभा सदस्यका स्वतन्त्र उम्मेदवार दोर्जे लामा गुरुङले आज उम्मेदवारी फिर्ता लिएपछि मनाङ्गे निर्विरोध निर्वाचित हुनुभएको हो ।
मनाङ्गेलाई आजै निर्विरोध निर्वाचित भएको घोषणा गरिने मुख्य निर्वाचन अधिकृत उत्तम सिलवालले जानकारी दिनुभयो । मनाङ्गे विसं २०७४ मा पनि स्वतन्त्र निर्वाचित प्रदेशसभा सदस्य हुनुभएको थियो । गुरुङ हाल गण्डकी प्रदेशको युवा तथा खेलकुदमन्त्री हुनुहुन्छ ।

प्रतिक्रिया

सम्बन्धित सामाग्री