बेलायतमा तेस्रो ‘अन्लिस योर इनर सेल्फ’ इभेन्ट

लण्डन । बेलायतमा तेस्रो ‘अन्लिस योर इनर सेल्फ’ इभेन्ट शनिबार सम्पन्न भएको छ ।
बिहान ९ बजेदेखि दिउँसो २ः३० सम्म फार्नबोरोस्थित भिलेज होटेलमा भएको सो कार्यक्रमको आयोजना माउसटेल ट्रान्सफर्मेशनले गरेको थियो भने पेपरवोर्क सोलुसन्स र वाईबिसी क्लिनिङको विशेष सहयोग रहेको थियो ।
कार्यक्रममा कसरी सफल हुने, कसरी खुसी हुने, कसरी सम्पत्ति आर्जन गर्ने, कसरी पारस्पारिक सम्बन्ध बलियो बनाउने, कसरी नेतृत्व विकास गर्ने, कसरी सार्थक जीवन जिउने बारे प्रस्तुति दिइएको थियो । यस्तै, विभिन्न क्षेत्रमा सफल व्यक्तित्वहरुबाट आफ्नो अनुभव तथा अहिलेको परिस्थितिमा सरकारलाई तिर्नु पर्ने कर, के निर्णय गर्दा आम्दानी बढाउन सकिन्छ, आदिका बारेमा अनुभव आदानप्रदान गरिएको थियो ।
वक्ताहरुमा वाईबिसी क्लिनिङ्ग कम्पनीका म्यानेजिंग डाइरेक्टर तथा सफल ब्यबसायी योगेन छेत्री, ब्रिटिश आर्मीका लेफ्टिनेन्ट कर्नेल टोल खाम्चा मगर, ए स्टार फाइनान्सियल सोल्युसन्स युकेका प्रिन्सिपल मिन दर्लामी, पेपर वोर्क सोल्युसन्स लिमिटेडका डाइरेक्टर श्याम श्रेष्ठ, र माउसटेल ट्रांन्सफर्मेसनका मान गुरुङ हुनुहुन्थ्यो ।
ब्यायामको लागि नेपालमा चर्चित नृत्यांगना तथा मोडल रीना थापा मगर, नायक, निर्देशक तथा निर्माता बिमल गुरुङले कार्यक्रम संचालन गरेका थिए भने फोटोग्राफीमा इजरा श्रेष्ठ तथा मिलन तमुले साथ दिएका थिए ।
उपस्थितहरुलाई चिया र कफी, स्न्याक्सको ब्यवस्था गरिएको थियो । कार्यक्रममा समाजसेवी, ब्यापारी, युवा र विभिन्न क्षेत्रका व्यक्तित्वहरुको उपस्थिति रहेको थियो । कार्यक्रमपश्चात सहभागीहरुबाट सकारात्मक प्रतिक्रिया आएको हुनाले अर्को कार्यक्रम १५ अक्टोबर २०२२ मा आयोजना गरिने आयोजक मान गुरुङले जानकारी दिए ।

प्रतिक्रिया

सम्बन्धित सामाग्री