पार्लियामेण्ट हिल पार्कमा पासा पुचः गुठी लण्डनको वनभोज

लण्डन । पासा पुचः गुठी लण्डनले ग्रीष्मकालिन वनभोजको आयोजना गरेको छ ।
बेलायती राजदरबार बकिङघम पालेस नजिकै पार्लियामेण्ट हिल पार्कमा आयोजना गरिएको सो वनभोजमा गुठीका ७६ जना सदस्यहरुको उपस्थिति रहेको थियो ।
कार्यक्रमको शुरुवातमा महासचिव प्रनिसा शाक्यले सो दिनको कार्यक्रमको बारेमा जानकारी दिएकी थिइन् भने तत्पश्चात अध्यक्ष रुक्मिनी मानन्धरले कार्यक्रमका सबैलाई स्वागत गरेकी थिइन् ।
बेलायतमा कमै पाइने घमाइलो वातावरणमा बयस्क र बालबच्चालाई सहभागी गराइ विभिन्न मनोरञ्जनात्मक खेल खेलाइएको थियो ।
सात वर्षीया निर्भिका जोशीले विभिन्न बनाएका ब्रासलेट, कुकुर, फूल, माछा, नङ पालिस त्यहीँ बिक्रीसमेत गरिएको थियो ।
वनभोजमा परम्परागत नेवार खानाहरु समयबजी, आलु छ्रवोन, छोयला, भुटी, बारा, अचार, अण्डालगायत परिकारहरु राखिएको थियो ।

प्रतिक्रिया

सम्बन्धित सामाग्री