बेलायतमा अहिलेसम्मकै उखरमाउलो गर्मी

लण्डन । बेलायतमा अहिलेसम्मकै सबैभन्दा धेरै गर्मी मंगलबार भएको छ ।

लण्डनको हिथ्रोमा दिउँसो १२:५० बजे ४०.२ डिग्री तापक्रम कायम भएको पाइएको छ भने अन्य स्थानहरुमा पनि तापक्रम बढेको पाइएको छ ।

लिङ्कनसायरको कनिङ्सबेमा अपराह्न ४.१५ बजे ४०.३ डिग्री तापक्रम पुगेको थियो । यस्तै लण्डनको नर्थोल्ट, किउ गार्डेनमा पनि तापक्रम ४० नाघेको छ ।बेलायतमा यसअघि सन् २०१९ मा क्याम्ब्रिजमा ३८.७ डिग्री तापक्रम पुगेको रेकर्ड थियो ।

तापक्रम बढेसँगै लण्डनका विभिन्न स्थानमा आगलागी भएपछि लण्डन बारुणयन्त्र कार्यालयले ‘मेजर इन्सिडेन्ड’ घोषणा गरेको छ भने लण्डनबाहिर पनि दर्जनौँ स्थानमा आगलागी भएको समाचारहरु आएका छन् ।

रेलसेवा सन्चालकहरुले आगलागी र ट्रयाकमा आएको समस्याका कारण विभिन्न रुटमा सेवा अवरुद्ध भएको बताएका छन् ।