फ्रान्समा म्याक्रोनले गुमाए बहुमत

पेरिस । फ्रान्समा सम्पन्न संसदीय निर्वाचनमा फ्रान्सेली राष्ट्रपति इम्यानुयल म्याक्रोको पार्टी नेतृत्वको गठबन्धनले बहुमत पाउन चुकेको छ ।
हालसम्मको नतिजा अनुसार मार्कोनले कुल ५७७ सीटमध्ये २४५ सीट प्राप्त गरेका छन् । फ्रान्सको तल्लो सदन राष्ट्रिय सभामा पूर्ण बहुमतको लागि २८९ सिट चाहिनेमा उनको गठबन्धन सो प्राप्त गर्न चुकेको छ।
वामपन्थी तथा ग्रीनहरुको गठबन्धन नुप्स १३१ सिटका साथ दोस्रो स्थानमा आएको छ र देशमा बलियो प्रमुख प्रतिपक्ष बनेको छ ।
मारिन ले पेनको अति दक्षिणपन्थी न्याशनल र्याली पार्टीले ८९ सिट जितेर तेस्रो स्थानमा पुगेको छ । रिपब्लिकनले ६४ सीट जितेका छन् ।