गोरखाका बारेमा वार्ताको ताकेता गर्दै राजदुत आचार्यले भेटे बेलायती रक्षामन्त्री

लण्डन । बेलायतका लागि नेपाली राजदुत ज्ञानचन्द्र आचार्यले आज बेलायती रक्षा मन्त्री बेन वालिसलाई भेटी गोरखा सैनिकहरुको विषयमा चाँडो वार्ताका लागि आग्रह गरेका छन् ।

सो अवसरमा रक्षा मन्त्री वालिसले छिटोभन्दा छिटो वार्ता समिति बनाउने र वार्ताका नियम र शर्तहरु (टीओआर) बनाउने बताएको दुताबासका प्रवक्ता रोशन खनालले बताउनु भयो ।

गोरखाहरुको समस्याका बारेमा दुई देशबीच गरिने वार्ता शुरु गर्न समय लिइरहेको विषयलाई लिएर राजदुत आचार्यले मन्त्री वालिससित भेट्न खोज्नुभएको थियो । निकै लामो समयपछि मन्त्रीसित भेट तय भएको हो ।

प्रवक्ता खनालले दुताबासले वार्ता चाँडै शुरु होस् भन्ने चाहना राखेको तर यो सवाल दुई पक्षीय भएको दुवै पक्षको सहमतिमा वार्ता अगाडी बढाउनु पर्ने भएकाले समय लिन पुगेको बताउनुभयो ।

उहाँले मन्त्री वालिससितको भेटपछि वार्ता प्रक्रिया अगाडी बढ्ने आशा व्यक्त गर्नुभयो ।  

प्रतिक्रिया

सम्बन्धित सामाग्री