लण्डन । नेपाल आदिवासी जनजाति महासंघ बेलायतले महावीर पुन र नेपाल आदिवासी जनजाति महासंघका केन्द्रीय महासचिव दिवस राईसित अन्तर्क्रिया गर्ने भएको छ ।
राष्ट्रिय आविस्कार केन्द्रमार्फत नेपालमा नयाँ नयाँ अन्वेषणमा लागि पर्नुभएका पुन केही समयदेखि बेलायत र युरोपको भ्रमणमा रहनुभएको अवसर पारेर महासंघले सो कार्यक्रम गर्न लागेको हो । यस्तै, नेपाल आदिवासी जनजाति महासंघका नवनिर्वाचित महासचिव दिवस राई पनि हालै मात्र बेलायत आइपुग्नुभएको छ ।
ह्यारोस्थित गोल्डेन सीप रेस्टुरेन्टमा जुन ३ तारिख शुक्रबारका दिन दिउँसो १२ देखि साँझ ६ बजेसम्म हुने सो कार्यक्रमको सहआयोजकमा नेपाल आदिवासी जनजाति महिला महासंघ बेलायत र नेपाल आदिवासी जनजाति पत्रकार महासंघ बेलायत रहेका छन् ।
