काठमाडौँ । नेपालमा शुक्रबार सम्पन्न स्थानिय निकायको निर्वाचनको प्रारम्भिक परिणाम आउन थालेको छ ।
करिब ५०० वटा स्थानिय निकायमा भइरहेको प्रारम्भिक मतगणनाले सत्तारुढ गठबन्धनको पक्षमा परिणाम आउने देखाएको छ ।
७५३ वटा स्थानिय निकायमा भएको निर्वाचनको हालसम्म १२ स्थानको मत परिणाम सार्वजनिक भएको छ । जसमा नेकपा एमालेले ६, नेपाली काँग्रेसले ३, नेकपा (एकीकृत समाजवादी)ले २ र नेकपा (माओवादी केन्द्र)ले १ स्थानमा स्थानिय निकायको प्रमुख जितेको छ ।
तर मतगणना भइरहेका करिब ५०० स्थानिय निकायहरुमा यो समाचार तयार पार्दासम्म नेपाली काँग्रेसले करिब २२५, नेकपा एमाले करिब १५०, नेकपा माओवादी केन्द्र करिब ८०, नेकपा (एकीकृत समाजवादी) १०, जनता समाजवादी करिब १० स्थानमा अग्रपंक्तिमा रहेको छ ।
मतगणना शुरुवाती भए पनि रुझान हेर्दा सत्तारुढ पार्टीहरुले गठबन्धन गरेको अधिकांश ठाउँमा परिणाम उनीहरुको पक्षमा आउने देखिएको छ ।
काठमाडौँ महानगरपालिकाको शुरुवात मतगणनामा स्वतन्त्र उम्मेदवार बालेन साह अगाडी देखिएका छन् ।
