उत्तरी आयरल्यान्डबारे एकपक्षीय निर्णय गर्न बेलायतलाई आग्रह

बर्लिन । जर्मनीका चान्सलर ओलाफ सोल्जले मंगलबार बेलायतलाई उत्तरी आयरल्याण्डमा ब्रेक्जिटपछिको कडा संघर्षरत व्यापारिक व्यवस्थामा ‘एकपक्षीय’ परिवर्तन नगर्न आग्रह गर्नुभएको छ ।
सोल्जले बर्लिनमा सञ्चारकर्मीहरूसँग भन्नुभयो, ”कसैले पनि एकपक्षीय रूपमा सम्झौता तोड्नु हुँदैन वा हामीले सहमति जनाएको प्रबन्धलाई कुनै पनि हालतमा परिवर्तन गर्नु हुँदैन ।”
बेल्जियमका प्रधानमन्त्री अलेक्जेण्डर डे क्रोले उक्त अवसरमा आफूहरूको सन्देश निकै प्रष्ट भएको र सबैले सहमति गरेको कुरालाई कसैले एकलौटी रूपमा तोड्नु गलत हुने बताउनुभयो ।
ब्रेक्जिटपछि उत्तर आयरल्याण्डमा गरिने आर्थिक गतिविधिलगायतका विषयलाई लिएर बेलायत र अन्य यूरोपेली मुलुकहरूबीच भिन्न मतहरू आएका छन् ।