जनयुद्धका घाइते रानालाई बेलायत र जापानबाट सहयोग

लण्डन । जनप्रगतिशील मन्च बेलायत र जापानले जनयुद्धका घाइते भक्तबहादुर रानामगरलाई आर्थिक सहयोग गरेका छन् ।

जनयुद्धका क्रममा मकवानपुरको झुरझुरेमा भएको भिडन्तमा दुवै खुट्टा गुमाएका उनको अवस्था नाजुक बन्दै गएपछि वीर अस्पतालमा उपचार भइरहेको छ ।
मगरलाई माओवादी केन्द्रको विदेशस्थित संगठन जनप्रगतिशील मञ्च बेलायत र जापान तथा प्रवास समितिका समितिका अध्यक्ष ओम शर्मा, सचिव टीबी पाठक र अच्युत फुयाल समेतले प्रदान गरेको सहयोगसमेत गरी जम्मा ४ लाख ५१ हजार ६८७ रुपैयाँ सोमबार हस्तान्तरण गरिएको छ ।
मगरको उपचारमा सहयोगका लागि बेलायतबाट १ लाख ३४ हजार २७०, जापानबाट ३ लाख ४ हजार ४१०, अच्युत फुयाँलबाट ३ हजार तथा शर्मा र पाठकबाट ५/५ हजार रुपैयाँ प्राप्त भएको थियो । सो रकम समितिका अध्यक्ष शर्मा, सचिव पाठक र जनप्रगतिशील मंच बेलायतका पूर्व अध्यक्ष सुरेश गौतमसहितको उपस्थितिमा परिवारलाई हस्तान्तरण गरिएको छ ।