कृतिम खुट्टाले हरि बुढा पुगे सगरमाथा आधारशिविर

लण्डन । अफगानिस्तानको लडाइँमा दुवै गोडा गुमाएका पूर्व गोरखा सैनिक हरि बुढामगर कृतिम खुट्टाको सहारामा सगरमाथा आधारशिविर पुगेका छन् ।

उनले सामाजिक सन्जालमा लेख्दै घुँडाभन्दा माथि खुट्टा गुमाएकाहरुमध्ये आफू नै सगरमाथा आधारशिविरसम्म पदयात्रा गर्ने पहिलो व्यक्ति भएको पनि बताएका छन् ।

उनले जेनियम ३ नाम गरेको कृतिम खुट्टाले सो पदयात्रा पूरा गरेका थिए । ‘कुनै कुरा असम्भव छैन’ भन्ने सन्देश उनले आधारशिविर पुगेर दिएका छन् । उनी सगरमाथा आरोहण गर्ने योजनामा पनि छन् ।

उनले आफूलाई सहयोग गर्ने सबैलाई आधारशिविरबाटै धन्यवाद पनि दिएका छन् ।

रोल्पा मिरुलमा बुढाले सन् २०१० मा अफगानिस्ताको हेल्मण्डमा खटिएको बेला दुश्मनको एम्बुसमा परेर दुवै गोडा घुँडाभन्दा माथि गुमाएका छन् । त्यसयता उनी बेलायतमा प्रेरणादायी प्रवचन दिने, साहसिक खेलमा सहभागी हुने, सामाजिक तथा व्यावसायिक कार्यमा सक्रिय छन् ।