अब इङल्याण्ड आउनु अगाडी कोभिड टेष्ट गर्न नपर्ने

लण्डन । दुई डोज खोप लगाएका यात्रुहरुलाई शुक्रबारदेखि अन्य देशबाट इङल्याण्ड आउँदा कोभिड टेष्ट गर्नु नपर्ने भएको छ ।

बेलायत सरकारले यही शुक्रबार बिहान ४ बजेदेखि इङल्याण्डको यात्रा गर्नुपूर्व कोभिड टेष्ट गर्न पर्ने नियम खारेज गरेको हो । यसअघि कोभिडको दुवै मात्रा खोप लगाएका १२ वर्षमाथिका सबै यात्रुहरुले इङल्याण्ड आउनु ४८ घण्टाभित्र पूर्व कोभिड नेगेटिभ भएको पुष्टि गरेपछि मात्र इङल्याण्ड आउन पाउने प्रावधान थियो ।

प्रधानमन्त्री बोरिस जोन्सनले उडान पूर्व कोभिड टेष्ट गर्नुपर्ने नियमका कारण इङल्याण्ड आउन चाहनेहरुलाई निरुत्साहित गरेको बताएका छन् । सो नियमका कारण यात्रुहरुमा विदेशमै थुनिने र अतिरिक्त खर्च लाग्ने डर रहेको पनि उनले उल्लेख गरेका छन् ।