शुक्रबार, माघ ७ २०७८ | Fri, January 21, 2022
नेपालको समय: ०१:१२ | UK Time: 19:27

अर्को साता जर्मनीले नयाँ चान्सलर पाउने

वीनेपाली
२०७८ मंसिर १६ गते १६:१६

तस्वीर घेट्टी इमेजेज

बर्लिन। जर्मनीको चान्सलरमा ओलाफ स्कोल्ज निर्वाचन हुने निश्चित भएको छ ।

वर्तमान अर्थमन्त्रीसमेत रहनु भएका ओलाफ यही डिसेम्बर ८ मा चान्सलर बन्नु हुने भएको हो ।

संसद सचिवालयले विहीबार जारी गरेको वक्तव्यमा आगामी डिसेम्बर ८ मा संसदमा नयाँ चान्सलर चयनका लागि निर्वाचन हुने र एङ्गेला मर्केलको उत्तराधिकारी ओलाफ हुने सुनिश्चित भइसकेको उल्लेख गरिएको छ ।

अर्थमन्त्री ओलाफको पार्टी एसपीडीले गत हप्ता ग्रिन्स एण्ड लिवरल फ्रि डेमोक्रेटस् (एफडीपी)सँग गठवन्धन गरेकाले उहाँ चान्सलर बन्ने सुनिश्चित जस्तै भएको हो ।

मर्केल नेतृत्वको पहिलो सरकारमा सन् २००७ देखि २००९ सम्म ओलाफ श्रममन्त्री बन्नुभएको थियो । त्यसपछि उहाँ सन् २०१५ मा भाइस चान्सलर तथा अर्थमन्त्री बन्नु भएको हो ।

झण्डै १६ वर्ष निरन्तर जर्मनीको चान्सलर भएर मर्केलले बिदा लिन लाग्नुभएको हो । चान्सलर हुँदा उहाँ सधैँ विश्वका चर्चित तथा शक्तिशाली नेताको सूचीमा पर्दै आउनुभएको थियो ।

प्रतिक्रिया

सम्बन्धित सामाग्री

फेसबुक