मंगलबार, असोज ५ २०७८ | Tue, September 21, 2021
नेपालको समय: ०७:०५ | UK Time: 02:20

नेपाल अमेरिका पत्रकार संघको अध्यक्षमा न्यौपाने

वीनेपाली
२०७८ साउन ११ गते १३:५७

लण्डन । नेपाल अमेरिका पत्रकार संघ (नेजा)को अध्यक्ष पदमा बिकासराज न्यौपाने निर्वाचित भएका छन् ।

नेजाको आइतबार सम्पन्न निर्वाचनमा उनले अध्यक्षका अरु दुई प्रत्याशीहरु गोकुल ढकाल र अनुज थापालाई पछि पार्दै जित हासिल गरेका हुन् ।

अध्यक्षका लागि शुरुमा बिकासराज न्यौपाने, गोकुल ढकाल ,किरण मरहठ्ठा, निदेश अधिकारी ,अनुज थापा तथा विष्णुहरी घिमिरेले उम्मेदवारी दिए पनि तीन जनाले उम्मेदवारी फिर्ता लिएका थिए ।

यसैगरी उपाध्यक्षमा मच्छेदेवी गुरुङ, महासचिवमा सुरज भण्डारी, सचिवमा कल्पना घिमिरे, कोषाध्यक्षमा प्रभात भट्टराई तथा सदस्यहरूमा अनिल अधिकारी, बाबुराम दाहाल, संगम बानियाँ र ज्ञान शर्मा निर्विरोध निर्वाचित भएका छन् ।

क्षेत्रीय संयोजकहरूमा शिव नेपाल (पश्चिम), लीलादेवी ओझा (डिसी मेट्रो क्षेत्र), गोकुल श्रेष्ठ (उत्तर पूर्व) तथा सृजन पण्डित (दक्षिण) बाट निर्विरोध निर्वाचित भएका छन् ।

नेजामा १४५ जना पत्रकार सदस्य रहेका भए पनि निर्वाचनमा भने ८१ मत मात्र खसेको थियो । नयाँ कार्यसमिति चयनका लागि आङछिरिङ शेर्पाको संयोजकत्वमा नारायण सापकोटा, भोला आचार्य र शैलेश पोखरेल रहेको निर्वाचन समिति गठन गरिएको थियो ।

नयाँ कार्यसमितिको कार्यकाल दुई वर्षको रहनेछ ।

प्रतिक्रिया

सम्बन्धित सामाग्री

फेसबुक