बिहीबार, साउन २१ २०७८ | Thu, August 05, 2021
नेपालको समय: ०३:०० | UK Time: 22:15

पूर्व अमेरिकी राष्ट्रपति बुशद्वारा अफगानिस्तानबाट सेना फर्काउने अमेरिकी निर्णयको आलोचना

वीनेपाली
२०७८ असार ३० गते १४:५२

बर्लिन । पूर्व अमेरिकी राष्ट्रपति जर्ज डब्लु बुशले अफगानिस्तानबाट उत्तर एटलान्टिक सन्धि संगठन ‘नेटो’ सैनिक फिर्ता लिने निर्णय गलत भएको बताउनुभएको छ ।

उहाँले यस गलत निर्णयका कारण तालिवान समूहले निर्दोष नागरिकको थप ‘हत्या’ हुनसक्ने बताउनुभएको छ ।“मेरो जानकारीअनुसार अहिले पनि अफगानी महिला र केटीहरूले अकथनीय हानी भोगिरहेका छन् । उक्त समूहले निर्दोष नागरिकहरूलाई हत्या गर्ने क्रमजारी रहनेछ,’ बुशले जर्मन प्रसारक डचे बेलेलाई भने।

उहाँले भन्नुभयो, “मेरो विचारमा सेना फिर्ता गल्ती थियो ।”

पूर्व रिपब्लिकन राष्ट्रपति बुसले सेप्टेम्बर ११ मा न्यू योर्कको विश्व व्यापार केन्द्रमा आक्रमण गरेपछि २००१ मा अफगानिस्तानमा सेना परिचालन गर्ने निर्णय गर्नुभएको थियो । जर्मन चान्सलर एन्जेला मर्केलले पनि स्ना फिर्ताबारे बुसको जस्तै विचार राख्नुभएको छ ।

अमेरिक राष्ट्रपति जो बाइडेनले यसै बर्षको अगस्ट ३१ सम्ममा सेना फिर्ता प्रक्रियालाई अन्त्य गर्ने घोषणा गर्नुभएको छ ।

प्रतिक्रिया

सम्बन्धित सामाग्री

फेसबुक