बिहीबार, साउन २१ २०७८ | Thu, August 05, 2021
नेपालको समय: ०२:४६ | UK Time: 22:01

बेलायतसित वार्ताको माग गर्दै लण्डनमा गोरखाहरुको र्याली

वीनेपाली
२०७८ असार १ गते २२:१३

लण्डन । बेलायत सरकारलाई गोरखा भूतपूर्व सैनिकहरुको समस्याका लागि अबिलम्व वार्तामा बस्न आग्रह गर्दै गोरखा भूतपूर्व सैनिकहरुले लण्डनमा र्यालीको आयोजना गरेका छन् ।

यसबारेमा गोरखाहरुको प्रतिनिधि मण्डलले लण्डनस्थित प्रधानमन्त्रीको कार्यालयमा ज्ञापन पत्रसमेत बुझाएको गोरखा सत्याग्रहका निर्देशक ज्ञानराज राईले जानकारी दिए । उनले बेलायत सरकारले जुलाई १ भित्रमा गोरखाहरुलाई वार्तामा नबोलाए जुलाई १ बाट जुलाई १३ सम्म रिले अनसन गरिने र त्यसपछि तीन जना गोरखाहरु आमरण अनसनमा बस्ने चेतावनी दिए ।

करिब २०० भूतपूर्व गोरखाहरु, उनीहरुलाई ऐक्यवद्धयता जनाउन आएका शिख समुदाय तथा अन्य समेतको पाइपर र ड्रमसहितको र्याली बेलायती संसद भवन बाहिर कोण सभामा परिणत भएको थियो । कोणसभालाई गोरखा सत्याग्रहका संयोजक कृष्णबहादुर राई, युके नेपाल फ्रेण्डसिप सोसाइटीका प्रमुख कार्यकारी अधिकृत अलान मार्सल स्यांका, गोरखा सत्याग्रहका निर्देशक ज्ञानराज राई, सन्तोष थलङ, बेलायती पूर्व सैनिकहरु र शिख समुदायका प्रतिनिधि लगायतले बोलेका थिए ।

 

प्रतिक्रिया

सम्बन्धित सामाग्री

फेसबुक