नेपाली कम्युनिटी नर्दन आयरल्याण्डद्वारा स्वस्थ्य रहन प्रोत्साहन

लण्डन । नेपाली कम्युनिटी नर्दन आयरल्याण्डले कम्युनिटीमा स्वास्थ्यसम्बन्धी चेतना र जागरुकता ल्याउने उद्देश्यले विभिन्न कार्यक्रम अगाडी ल्याएको छ । कम्युनिटीका अध्यक्ष बलबहादुर थापाका अनुसार कोरोना महामारीले प्रत्येक ब्यक्तिका लागि स्वास्थ्य तथा शारीरिक तन्दुरुस्तीको महत्व झन् बढाएकोले कम्युनिटीले पनि सोहीअनुसार स्वास्थ्यसम्बन्धी कार्यक्रम अगाडी बढाएको छ ।

थापाका अनुसार कम्युनिटी हेल्थवाक, करेसाबारी ब्यवस्थापनलगायत कार्यक्रम कम्युनिटीले ल्याएको छ । कम्युनिटीका सचिव पूर्णस्वर कँडेलका अनुसार कम्युनिटीका सदस्यहरुलाई हेल्थ वाकमा प्रोत्साहन गर्न प्रति परिवार एक/ एक ओटा कम्युनिटीको लोगो अंकित टिसर्ट वितरण गरिएको छ भने प्रतिपरिवार एक/एक जोर जुता समेत वितरण गर्ने कार्यक्रम छ । यसैगरी बागबगैंचा तथा करेशाबारीमा प्रोत्साहनका लागि प्रति परिवार दुई/ दुई बोराका दरले कम्पोष्ट मल समेत वितरण गरिएको छ ।

न्याशनल लट्री फण्डको सहुलियतमा सन्चालित हेल्थ कार्यक्रम अन्तर्गत बच्चाहरुलाई शैक्षिक सामाग्री समेत उपलब्ध गराइने कुरा अध्यक्ष थापाले बताउनु भयो ।