नेपाल इन्जिनियर्स एसोसिएसन युके केन्द्रमा उदीप राई

लण्डन । नेपाल इन्जिनियर्स एसोसिएसनको युके शाखाका रुपमा रहेको युके केन्द्रको अध्यक्षमा उदीप राई निर्वाचित भएका छन् ।

शाखाको आइतबार सम्पन्न भर्चुअल साधारण सभाले राईको नेतृत्वमा १३ सदस्सीय नयाँ कार्यसमिति चयन गरेको हो ।

शाखाको उपाध्यक्षमा राम राजा रावल, महासचि इन्दु राई, सचिव मिम जुग्जाली, कोषाध्यक्ष पूजा गुरुङ, सहकोषाध्यक्षा नितु शर्मा र सदस्यहरुमा दिपेश राई, सागर गुरुङ, उदेश देवान, ओम थापा, दिवस गुरुङ, अविनाश जोशी र हिमाल गुरुङ रहेका छन् ।

कार्यसमितिमा युवा इन्जिनियरहरु रहेका छन् भने ४० प्रतिशत महिलाहरुको सहभागिता छ ।

एसोसिएसनले इन्जिनियरहरुलाई सन्जाल बनाउनका मन्च प्रदान गर्ने, विद्यार्थी इन्जिनियरहरुलाई सघाउने र बेलायतमा रहेका अन्य नेपाली संघसंस्थाहरुसित मिलेर काम गर्ने लक्ष्य राखेको नवनिर्वाचित अध्यक्ष राईले वीनेपालीलाई बताए ।

नवनिर्वाचित समितिलाई सो केन्द्रका संस्थापक अध्यक्ष तथा गैरआवासीय नेपाली संघ युकेका कोषाध्यक्ष तेजेन्द्र रोकामगरले सपथ गराएका थिए ।

नेपालमा रहेको नेपाल इन्जिनियर्स एसोसिएसनकाे शाखाका रुपमा केही वर्षदेखि सो केन्द्र बेलायतमा कार्यरत रहँदै आएको छ ।