लण्डन । बेलायतमा भेटिएको नयाँ किसिमको कोरोना भाइरसको प्रकारका बारेमा थप जानकारी बाहिर आएको छ ।
बेलायतको राष्ट्रिय तथ्यांक कार्यालयका अनुसार नयाँ किसिमको कोरोना भाइरसको संक्रमण भएका व्यक्तिहरुमा गन्ध थाहा नपाउने र स्वाद थाहा नपाउने असाध्यै कम मात्र हुने गर्छ ।
नयाँ भाइरस लागेका मानिसहरुमा यसबाहेक कोरोना लाग्दा देखिने अन्य लक्षणहरु भने यथावत नै रहनेछन् । कार्यकालयका अनुसार उनीहरुमा धेरैजसो खोकी लाग्ने, घाँटी दुख्ने, थकाइ लाग्ने र शरीर दुख्ने गर्दछ ।
यसअघि सो भाइरस पहिलेको कोरोना भाइरसभन्दा ३० प्रतिशत बढी घातक र छिटो सर्न सक्ने बताइएको थियो ।
पेट दुख्ने, पखाला लाग्ने, ज्वरो आउने, टाउको दुख्ने, वाकवाक लाग्ने र श्वास फेर्न असजिलो हुने जस्ता कोरोना भाइरस संक्रमणका लक्षण नयाँ किसिमको भाइरसबाट पनि हुने कार्यालयले गरेको सर्भेक्षणमा उल्लेख छ ।
