यसैवर्षको अन्त्यसम्ममा अमेरिकीहरुलाई कोरोनाविरुद्ध खोप दिलाइने

लण्डन । ओैषधि निर्माता कम्पनी पिफाइजरका प्रमुख कार्यकारी अधिकृत अल्वर्ट बोर्लाले यसैवर्षको अन्त्यसम्ममा अमेरिकी नागरिकहरुलाई कोरोना भाइरसविरुद्ध खोप दिलाउन सक्ने सम्भावना व्यक्त गरेका छन् ।

एनबीसीका अनुसार ओैषधि निर्माता कम्पनीले बृहत परीक्षणबाट प्राप्त गरेको तथ्यांक अक्टोबर महिनाको अन्त्यसम्ममा प्राप्त हुने र फुड एण्ड ड्रग एडमिनिष्ट्रेसन (एफडीए) ले अनुमति दिए पीफाइजर करोडौँ प्रति ओैषधि उत्पादन गर्न तत्पर रहेको उनले बताएका छन् ।

महामारीका कारण अमेरिकी स्वास्थ्य अधिकारीहरु र ओैषधि निर्माताहरुले खोप उत्पादन प्रक्रियालाई द्रुत बनाएका छन् ।

पीफाइजरले ओैषधि निर्माणमा जर्मन ओैषधि निर्माता बायोनटेकसित सहकार्य गरेको छ ।

पीफाइजरले हालसम्ममा साढे १ बिलियन डलर लगानी गरिसकेको बोर्लाले बताएका छन् ।

पीफाइजर कोरोनाविरुद्ध खोप बनाउन अग्रपंक्तिमा रहेका तीन कम्पनीहरुमध्ये एक हो । पीफाइजरसँगै मोडर्ना र आष्ट्राजेन्का पिन अग्रपंक्तिमा छन् ।

शनिबार मात्र पीफाइजरले ३० हजारबाट ४४ हजार जनामा परीक्षण विस्तारका लागि एफडीएमा प्रस्ताव पेश गरेको छ ।