बुधबार, फागुन १४ २०७६ | Wed, February 26, 2020
नेपालको समय: १२:२५ | UK Time: 06:40

एनआरएनए दोश्रो बिज्ञ सम्मेलन धुलिखेलमा

विनेपाली
२०७६ माघ ८ गते १३:२८

लन्डन । गैरआवासीय नेपाली संघ (एनआरएनए) ले आगामी अक्टोबरमा नेपालमा दोश्रो बिज्ञ सम्मेलन गर्ने भएको छ । सम्मेलन काठमाडौं विश्वविद्यालय धुलिखेलमा हुने भएको हो ।

पहिलो सम्मेलन सोल्टी होटलमा आयोजना हुंदा महंगो दर्ता शुल्क भएको आलोचना भएपछि संघले दोस्रो सम्मेलन काठमाडौं विश्वविद्यालयमा गर्न लागेको गैरआवासीय नेपाली संघका महासचिव डा. हेमराज शर्माले बताए । काठमाण्डौं विश्वविद्यालयमा सम्मेलन गर्दा सहभागीहरुको संख्या बढ्ने विश्वास शर्माको छ ।

यसैबीच संघको एक टोलीले बुधवार काठमाडौं विश्वविद्यालयका उपकुलपति, डिनहरु, विभागीय प्रमुखहरु लगायत उच्चपदाधिकारीसंग छलफल गरेको छ ।

छलफलमा काठमाडौं विश्वविद्यालयका भिसी प्रोफेशर डा. रामकण्ठ मकाजु श्रेष्ठ, डिनहरु प्रोफेशर महेश पराजुली, सागरराज शर्मा, डा. हेम राज काफ्ले लगायतको उपस्थिति थियो ।

संघका पदाधिकारीसहित काठमाण्डौं विश्वविद्यालय पुगेको टोलीले सम्मेलन उपलब्धिमुलक बनाउन घनीभूत छलफल गरेको थियो ।

संघको टोलीमा उपाध्यक्षहरु सोनाम लामा, मन केसी, कोषाध्यक्ष महेश श्रेष्ठ, महिला संयोजक भूमा लिम्बु, डा. हेमन्त डवाडी, श्रीराम घिमिरे लगायतको उपस्थिति थियो ।

यसअघि संघले एनआरएन बिज्ञ सम्मेलनबारे परराष्ट्रमन्त्री प्रदीप ज्ञवाली लगायत नेपाल सरकारका उच्चअधिकारीसंग छलफल गरेको थियो ।

प्रतिक्रिया

सम्बन्धित सामाग्री

फेसबुक