मिस वर्ल्डमा नेपाललाई दुई उपाधि

लन्डन । मिस वर्ल्ड प्रतियोगितामा मिस नेपाल अनुष्का श्रेष्ठले दुई उपाधि जितेकी छन् । टप १२ सम्म पुगेकी अनुष्काले शनिबार लण्डन एक्सेलमा आयोजित ६९ औं मिस वर्ल्ड प्रतियोगितामा ‘ब्युटी विथ अ पर्पोज’ र ‘मल्टिमिडिया’ अवार्ड जितेकी हुन् ।

अघिल्लो संस्करणमा पनि नेपालकी शृंखला खतिवडाले ति दुबै ‘टाइटल’ जितेकी थिइन् ।

दुई अवार्ड जितेपछि खुसी व्यक्त गर्दै अनुष्काले सबैप्रति आभार व्यक्त गरेकी छन् । छोरीको जितमा अनुष्काका आमा-बाबु पनि दंग देखिन्थे ।

प्रतियोगितामा अनुष्कालाई हौसला प्रदान गर्न राजदूत डा. दुर्गाबहादुर सुवेदी, एनआरएन पदाधिकारी लगायत नेपालीहरु नेपालको झन्डा बोकेर कार्यक्रमस्थल पुगेका थिए । उनीहरुले बारम्बार हुटिङ समेत गरे ।

यसैबीच, ६९ औं मिस वर्ल्डको ताज जमैकाकी टोनी एन सिंहले जितिन् भने मिस फ्रान्स ओफ्ली मेजिनो फस्ट रनर अप र मिस इन्डिया सुमन रतनसिंह 
रावले सेकेन्ड रनर अपको उपाधि जिते ।

प्रतियोगितामा एक सय ११ मुलुकका सुन्दरीले प्रतिस्पर्धा गरेका थिए । तस्बिर- शंकर श्रेष्ठ