एनआरएनए निर्वाचन सम्पन्न, गणना रातीबाट

काठमाडौं । गैर आवासीय नेपाली संघको निर्वाचन बिहीबार सांझ शान्तिपूर्ण रुपमा सम्पन्न भएको छ ।

इलेक्ट्रिक भोटिंग सिस्टममा प्राविधिक गडबढी भएपछि बुधबार निर्धारित निर्वाचन बिहीबार कागजी मतपत्रमै सम्पन्न भएको हो ।

निर्वाचन समिति श्रोतका अनुसार, २५७० मतदाता मध्ये २३४४ मत खसेको छ । मतगणना आजै रातीबाट शुरु हुने र परिणाम आइसक्ने अपेक्षा गरिएको छ ।

यसपटक अध्यक्षमा कुल आचार्य र कुमार पन्तको कडा प्रतिष्पर्धा छ ।

‘मातृभूमिमा समृद्धि, कर्मभूमिमा संस्कृति’ नाराका साथ मैदानमा उत्रिएका आचार्यले जित्ने प्रक्षेपणहरु सार्वजनिक भएका छन् ।