बर्न्टओकका नयाँ पुस्ताले गरे मनै लोभ्याउने कार्यक्रम

निस्का लुईटेलओजल महर्जन र अदिति अधिकारीको सामूहिक गीतबाट अघि बढदै गएको सांगीतिक कार्यक्रममा समीर गुरुङको कविताले माहोल तताएको थियो । मारुनी नृत्यमा सुस्मासलिनासरिना र महान्ताले नेपाली गाउँघरकै झल्को दिने दमदार प्रस्तुति गरे । कभर गीत गाएर संजीवले दर्शकलाई फलोरमा स्वतस्फूर्त नाच्न वाध्य बनाए । साकेला नृत्यमा मौलिक संस्कृतिलाई झल्को दिने गीत र नृत्य  समूहगत रुपमा प्रस्तुत गरिएको थियो भने नेपालका विभिन्न जातजाति को भेषभुषा झल्काउने गरी फेशन शो पनि देखाइएको थियो।

नयाँ पुस्ताको प्रस्तुति हेर्न बरो अफ बार्नेटका काउन्सिलर लक्ष्य गुरुङबर्न्टओक नेपाली समाजका अध्यक्ष उदय गुरुङनेपाली भाषा तथा सांस्कृतिक केन्द्रका अध्यक्ष सुमन प्रधानमहासचिव भोला पनेरु,  समाजका मिडिया कोअर्डिनेटर भगीरथ योगी, नेपाल पत्रकार महासंघ यूकेका वरिष्ठ उपाध्यक्ष श्याम लुइंटेल लगायतका अग्रज दर्शक दीर्घामा बसेका थिए । नयाँ पुस्ताका युवाहरुको साउण्ड बक्स व्यान्डले पाँचवटा गीत प्रस्तुत गर्दा दर्शक माझबाट वान्स मोर‘ को हुटिङ सुरु भैसकेको थियो ।

कार्यक्रम सकिंदै गर्दा समूहका संयोजक महान्ता गुरुङले कार्यक्रम सहयोगी सबैलाई धन्यवाद दिइन् । सांस्कृतिक कार्यक्रम नेपाली राष्ट्रिय गानबाट सुरु भएको थियो । कार्यक्रमका लागि बर्न्टओक आमा समूहले सेल रोटीमोमो लगायतका खाने कुराहरु तयार गरेको थियो ।



प्रतिक्रिया

सम्बन्धित सामाग्री