मिस इंग्ल्याण्ड प्रतियोगितामा प्रतिष्ठा

लन्डन । मिस इंग्ल्याण्ड २०१९ सुन्दरी प्रतियोगिताका लागि एक नेपाली युवती मैदानमा उत्रिएकी छन् । अल्डरसट निवासी प्लोर प्लान आर्किटेक्ट २५ वर्षीया प्रतिष्ठा राउतले ‘मिस इंग्ल्याण्ड फोटो हिट’ मा प्रतिष्पर्धा गर्दैछन् । फोटो हिट फाइनलिष्टमा पुगेकी प्रतिष्ठाले आफूलाई मत दिन अपिल गरेकी छन् । पब्लिक भोट जितले उनलाई मिस इंग्ल्याण्ड प्रतियोगितामा प्रवेश गराउनेछ । पब्लिक भोट शुरु भइसकेको छ र यसको समयसीमा ९ अप्रिलमा समापन हुनेछ ।

आगामी जुन २०१९ मा हुने उक्त प्रतियोगताको सेमिफाइनलमा पुग्न प्रतिष्ठालाई पब्लिक भोट आवश्यक छ । सेमिफाइनल पुग्ने प्रतियोगीले स्पोर्टर्स एण्ड इको फेशन राउण्डमा सहभागिता जनाउन पाउनेछन् ।

मिस इंग्ल्याण्ड उपाधि जित्ने प्रतियोगीले २५ हजार पाउण्ड 
बराबरको पुरस्कारसहित होलिडे प्याकेज र मिस वल्ड प्रतियोगितामा प्रतिष्पर्धा गर्न पाउंछन् । प्रतिष्ठालाई जिताउन उनको युनिक नम्बर MISS PHOTO12 to 63333 मा टेक्स्ट गर्न सकिनेछ । प्रत्येक मतका लागि ५० पेन्स शुल्क छ ।