बुधबार, माघ ५ २०७८ | Wed, January 19, 2022
नेपालको समय: ०४:५६ | UK Time: 23:11

नेपलिज नर्सिङ एसोसिएसन यूकेमा सिम्खडा

वीनेपाली
२०७५ मंसिर ८ गते १६:२३

Binod Simkhada

लन्डन । नेपलिज नर्सिङ एसोसिएसन यूकेको छैठौं कार्यसमितिका लागि अध्यक्षमा विनोद बिकास सिम्खडा निर्वाचित भएका छन् । २४ तारिख शनिवार लन्डनमा भएको निर्वाचनमा सिम्खडा ६० मत ल्याइ बिजयी भएका हुन् । उनको प्रतिद्वन्दी इन्दिरा बस्यालले ३३ मत ल्याएकी थिइन् । निर्वाचन पर्यवेक्षक एवं सोलिसिटर राजु थापाले नवनिर्वाचित अध्यक्षको नाम घोषणा गरेका थिए ।

सिम्खडा यस अघि उपाध्यक्ष थिए भने बस्याल संस्थापक सचिव हुन्   नवनिर्वाचित अध्यक्ष सिम्खडाले संस्थालाई थप उचाईंमा लैजाने बताउँदै सबैप्रति आभार ब्यक्त गरे । 

निर्वाचनमा १३७ कुल मतदाता मध्ये ९३ मत खसेको थियो ।  

उपाध्यक्ष पदका दुई उम्मेदवारमध्ये गंगा साम्पांगले अन्तिममा उम्मेदवारी फिर्ता लिएपछि अन्य सबै पद निर्बिरोध भएको थियो ।

निर्विरोध हुनेमा उपाध्यक्ष सुनिता गौतम थापा, महासचिव रस्मितासिंह दर्लामी, सांस्कृतिक सचिव रफी श्रेष्ठ, कोषाध्यक्ष बिनु लामिछाने र सहकोषाध्यक्ष आज्ञा ढकाल छन् ।

त्यसैगरि कार्यकारी सदस्यहरुमा अन्जना सापकोटा, रन्जना केसी अधिकारी, कल्पना घिमिरे, ज्ञानु अधिकारी, शोभा बोहोरा, सरिता रिजाल र राजत्री पाण्डे थापा निर्विरोध भएका छन् । बांकी दुई सदस्य नयां कार्यसमितिले मनोनित गर्नेछ ।

निर्वाचन समिति संयोजकमा अजिता सिम्खडा थिइन् । सिम्खडाले अध्यक्ष बाहेक निर्वाचित पदाधिकारी तथा सदस्यहरुको नाम घोषणा गरेकी थिइन् । यसअघि अध्यक्ष प्रसुना कंडेलको अध्यक्षतामा साधारणसभा भएको थियो ।  

तस्विर- शिव भण्डारी

प्रतिक्रिया

सम्बन्धित सामाग्री

फेसबुक