बेलायतको नेपाली गुम्बामा चोरी

लण्डन । बेलायतको अल्डरसटमा रहेको बुद्धिस्ट कम्युनिटी  सेन्टरमा चोरी भएको छ । नेपाली गुम्बाबाट एउटा सुटकेश, एक हजार डलर, कपडा, ब्यक्तिगत कागजात र लामा गुरुले लगाउने सेतो स्कार्फ समेत गरि दश हजार पाउण्ड बराबरको दान चोरी भएको हेमसायर पुलिसले जनाएको छ ।  

बिहीवार साँझ एक पुरुष र एक महिला आफूहरु सेन्टरमा बिहे गर्न इच्छुक भएको र भवन देखाइ दिन भन्दै ५.१५ बजेतिर सेन्टर छिरेका थिए ।

उनीहरुलाई घुमाउन गएका बेला अर्को एक पुरुष र ४ जना महिला विभिन्न कोठा भित्र छिरेर खानतलासी थालेका थिए ।  

करिब ५.३० तिर उनीहरु सबै जना निस्के लगत्तै हेर्दा नगद र अन्य वस्तु चोरी भएको थाहा भएको थियो । 

पुलिसलाई चोरीबारे बिहीबार साँझ खबर गरिएको थियो । पुलिसले घट्नाको अनुसन्धान थालिएको जनाउंदै यसबारे थाहा भए सूचना दिन अपिल गरेको छ ।  

Anyone with information is asked to contact us on 101, quoting 44180429793, or Crimestoppers anonymously on 0800 555 111.