बुधबार, माघ १२ २०७८ | Wed, January 26, 2022
नेपालको समय: २२:५३ | UK Time: 17:08

संयुक्त राष्ट्रसङ्घका महासचिवसंग ओलीको भेटवार्ता

रासस
२०७५ असोज १२ गते १७:३९

प्रधानमन्त्री केपी शर्मा ओली संयुक्त राष्ट्र सङघका महासचिव एन्टोनियो गुटेरेससँग शुक्रबार न्यूयोर्कमा भेटवार्ता गर्दै । तस्वीर सौजन्य–न्यूयोर्कस्थित संयक्त राष्ट्रसंघका लागि नेपालको स्थायी नियोग, रासस

न्यूयोर्क, १२ असोज – प्रधानमन्त्री केपी शर्मा ओलीले आज संयुक्त राष्ट्र सङ्घका महासचिव एन्टोनियो गुटेरेससँग द्विपक्षीय भेटवार्ता गर्नुभएको छ ।

उक्त अवसरमा नेपाल तथा राष्ट्र सङ्घबीच सहयोगका विभिन्न पक्षका विषयमा छलफल भएको राष्ट्र सङ्घका लागि नेपाली स्थायी नियोगले आज विज्ञप्ति प्रकाशन गरी जनाएको छ । उहाँहरुबीच शान्ति स्थापना गर्ने अभियान र त्यसमा नेपालको भूमिका विस्तार गर्ने विषयमा पनि छलफल भएको विज्ञप्तिमा उल्लेख गरिएको छ ।

महासचिव गुटेरेसले शान्तिपूर्ण सङ्क्रमणमा नेपालमा सशक्त प्रजातन्त्र स्थापना हुनु उदाहरणीय भएको बताउँदै नेपालको पुनःसंरचना तथा दिगो विकासका लक्ष्य प्राप्त गर्न राष्ट्रसङ्घीय सहयोगको वचनबद्धता दोहोरयाउनुभयो । प्रधानमन्त्री ओलीले नेपालको विकासमा राष्ट्र सङ्घको सहयोगप्रति कृतज्ञता प्रकट गर्नुभयो ।

प्रतिक्रिया

सम्बन्धित सामाग्री

फेसबुक