मेको ब्रेक्जिट व्यापार योजना इयूलाई ‘अमान्य’

साल्जवर्ग, अष्ट्रिया, ४ असोज – यूरोपेली परिषद्का प्रमुख डोनाल्ड टस्कले बेलायती प्रधानमन्त्री टेरेजा मेले व्यापारबारे ल्याएको योजना सबै सदस्यराष्ट्रलाई मान्य हुने खालको नदेखिएको बताउनुभएको छ ।

इयू परिषद्का प्रमुख टस्कले बताउनुभयो- ‘बेलायतको यूरोपेली सङ्घबाट हुने बहिर्गमनपछि व्यापार क्षेत्रलाई व्यवस्थित गर्न प्रधानमन्त्री मेले ल्याएको योजनाले सरासर यही अवस्थामा ‘काम गर्न’ सम्भव छैन ।’

अष्ट्रियाली शहर साल्जबर्गमा बसेको सदस्य राष्ट्रका नेताहरूसँगको छलफलपछि टस्कले सञ्चारकर्मीसँग उक्त कुरा बताउनुभएको हो । उहाँले थप्नुभयो- ‘मेको ब्रेक्जिटबारे ‘चेकर्स प्लान’ले इयूको एकल बजारलाई कमजोर बनाउने नेताहरूको निष्कर्ष रह्यो ।’