नेपाल मुक्तक प्रतिष्ठान बेलायतमा नयाँ कार्यसमिति

लण्डन । नेपाल मुक्तक प्रतिष्ठान बेलायतको नयाँ कार्यसमितिको निर्वाचन सम्पन्न भएको छ । साउथ लण्डनस्थित ह्यारो फुटबल क्लबमा आयोजित मुक्तककारहरूको साधारण सभा भेलाले वर्तमान अध्यक्ष दुर्गाप्रसाद पोख्रेलको नेतृत्वमा सात सदस्यीय कार्यसमिति चयन गरिएको निर्वाचन संयोजक तथा संस्थाका सल्लाहकार डा. रुपक श्रेष्ठले बताए ।

नयाँ कार्यसमितिमा प्रतिमा केसी उपाध्यक्ष, नृपेश उप्रेती महासचिव, राज श्रेष्ठ कोषाध्यक्ष, सेमन्त राई सदस्य, रबिन जोशी सदस्य, मोहन जलद सदस्य रहेका छन् । प्रतिष्ठानका सल्लाहकार त्रयमा डा. रुपक श्रेष्ठ, सुमलकुमार गुरुङ र विनोद अधिकारी छन् ।

कार्यक्रममा केन्द्रीय अध्यक्ष रामकाजी कोने एवं महासचिव रमेश पौडेलबाट प्राप्त शुभकामना मन्तव्य पढेर सुनाइएको थियो ।