मंगलबार, असोज १३ २०७७ | Tue, September 29, 2020
नेपालको समय: २३:४८ | UK Time: 19:03

कुख्यात डाँका हेलिकोप्टरको सहयोगमा जेलबाट फरार

रासस/एएफपी
२०७५ असार १७ गते २२:२६

पेरिस, फ्रान्स, १७ असार – कुनै समय फ्रान्सको उच्च खोजीको सूचीमा रहेका तर पछिल्लो केही समय यता जेल सजाय भोगिरहेको कुख्यात चोर हेलिकोप्टरको सहयोगमा जेलबाट आइतबार भागेको फ्रान्सेली अधिकारीले बताएका छन् ।

फ्रान्सको रिआउ शहरबाट केही मिनेट टाढाको जेलमा रहेका ४६ वर्षीय रेडोइन फाइडलाई हेलिकोप्टरमा आएका केही शसस्त्र व्यक्तिहरूले जेलबाट भगाएको यस घटनासँग निकट स्रोतले जनाएको छ ।

सन् २०१० मा यहाँ भएको सशस्त्र डकैतिको योजनाकार ठहर गर्दै यहाँको पुनरावेदन अदालतले २५ वर्षको जेल सजाय सुनाएपछि फाइडलाई जेलबाट भगाइएको हो । आठवर्ष पहिले भएको उक्त घटनामा एक महिला प्रहरीसमेतको ज्यान गएको थियो ।
फाइडसहित तीनजना सहयोगी जेलबाट भागेको स्रोतले जनाएको छ ।

सुरक्षाकर्मीले उक्त हेलिकोप्टर रिआउ शहरको उत्तरपूर्वी क्षेत्रमा भेटेका थिए । प्रहरीले सम्पूर्ण पेरिस क्षेत्रमा सुरक्षा अवस्था कडा पार्दै फरार अभियुक्तलाई खोजिरहेको छ ।

फाइड जेलबाट भागेको यो दोस्रो घटना हो । उनी सन् २०१३ मा पनि उत्तरी फ्रान्सको एक जेलबाट भागेका थिए । उनले सन् २०११को मध्यपछि जेलजीवन विताउँदै आएका थिए ।

पिस्तोलधारी कुख्यात डाँका फाइडले जेलबाट भाग्ने क्रममा तीनजना सुरक्षागार्डलाई बन्धक बनाएपनि उनीहरूलाई लगत्तै छोडेको बताइएको छ ।

प्रतिक्रिया

सम्बन्धित सामाग्री

फेसबुक