सोमबार, असोज ५ २०७७ | Mon, September 21, 2020
नेपालको समय: ०४:४३ | UK Time: 23:58

चीन अमेरिका व्यापार विवाद चरम उत्कर्षमा

रासस-एएफपी
२०७५ असार ११ गते २३:१५

तस्विर एपी

वासिङ्टन, ११ असार – गएको केही महिनायतादेखि अमेरिका र चीनबीच जारी व्यापार विवाद रोकिएको छैन । बरु यो विवाद चरम उत्कर्षमा पुगेको अधिकारीहरू बताउँछन् ।

संयुक्तराज्य अमेरिका र चीन सरकारले एक अर्काको देशबाट आयात गरिने सामानमा भन्सार शुल्क पछिल्लो समयमा निकै बढाएका बताइएको छ ।

अमेरिका विश्वको पहिलो र चीन दोस्रो ठूलो अर्थतन्त्र हो । यी दुई ठूला अर्थतन्त्रबीच पछिल्लो समयमा व्यापार विवाद शुरु भएको हो ।

यो विवाद समाधानको सट्टा बरु झन ठूलो खिचातानी जारी रहेको बताइन्छ । कतिपय आर्थिक विश्लेषकहरूले त यसलाई एक किसीमको व्यापार युद्धको संज्ञा समेत दिएका छन् ।

उनीहरू भन्छन्– ‘पछिल्लो समयमा विवाद प्रतिदिन बढ्दै छ यस्तै अवस्था जारी रहने हो भने यसले आगामी दिनमा व्यापार युद्ध नै हुनसक्ने त्रास रहन्छ ।’

शुरुमा अमेरिकाले आफ्नो देशमा आयात हुने गरेको चिनियाँ स्टील र एलुमिनियममा पहिलेको तुलनामा निकै धरै मात्रामा शुल्क बढाएको थियो । यसको चीनले कडा मात्रामा विरोध पनि गरेको थियो ।

तर, अमेरिकाले चीनको कुरा सुनेन । त्यसपछि यहाँ उक्त पदार्थको आयातमा पनि कमी भएको बताइएको छ । अहिले नगण्य मात्रामा मात्र कतिपय चिनियाँ वस्तुहरू अमेरिका आयात भइरहेका छन् ।

अमेरिकाको यस व्यवहारका विरुद्धमा यता चीनले पनि अमेरिकाबाट आयात हुने कतिपय खाद्य पदार्थमा पनि रोक लगाएको पाइएको छ । अमेरिकालाई जवाफ दिएकै शैलीमा चीनले सुङ्गुरको मासु, मदिरा र फलफूलजस्ता पदार्थको आयातमा भन्सार शुल्क बढाएको छ ।

विश्वका यी दुई ठूला अर्थतन्त्रबीच चलिरहेको यस अवस्थाले विश्वका अरु पनि देशहरूमा आर्थिक सङ्कटहरू निम्त्याउन सक्ने खतरा बढाएको बताउन थालिएको छ ।

तर, दुवै देश यी अघिका निर्णयहरूबाट पछि हट्नुको सट्टा आ–आफ्नो व्यापारिक हितको रक्षा गर्ने होडका साथ अघि बढेका आर्थिक क्षेत्रका जानकारहरूको अनुभव छ ।

प्रतिक्रिया

सम्बन्धित सामाग्री

फेसबुक