इयूका १६ मुलकका नेता आप्रवासी सङ्कटबारे छलफल गर्ने तयारीमा

ब्रसेल्स, बेल्जियम, ८ असार – यूरोपेली संघ (इयू) का १६ मुलुकका नेताहरूले ब्रसेल्समा हुने आप्रवासी सङ्कटबारे आइतबार हुने शिखर सम्मेलनमा भाग लिने सङ्केत गरेका छन् ।

आप्रवासी शरणार्थीबारे समाधान निकाल्नका लागि सम्मेलनको आयोजना यूरोपेली आयोगका प्रमुख जाँ क्लाउड जङ्करले गर्नुभएको हो ।

आप्रबासीहरूको समस्या समाधानमा कसले पहिले प्रक्रिया थाल्छ भनी विश्वभरबाट चासो बढिरहेका समय ती देशका नेताहरूले समाधानका लागि गरिन लागिएको छलफलमा भाग लिने सङ्केत गरेका हुन् । इयू सदस्य राष्ट्रमध्ये सबैभन्दा आप्रबासीका कारण ग्रीस र इटालीमाथि भार परिरहेका समय ती देशहरूले उक्त भारलाई समान वहन गर्नुपर्ने बताएका हुन् ।

“हामीले शुरूमा आठ राष्ट्रहरूको समूहबीच छलफल शुरु गरेका छौँ,” आयोगका प्रवक्ता अलेक्जेण्डर विन्टर्सस्टनले भन्नुभयो ।

“अहिले हामीले १६ मुलुक अनौपचारिक कुराकानी चलाउन चासो ब्यक्त गरेको जानकारी पाएका छौँ,” उहाँले छलफलका लागि अग्रसर रहेका ती मुलुक कुन कुन हुन नबताइकनै जानकारी गराउनुभयो ।

तर शुरुमा बेल्जियम, नेदरल्याण्ड, क्रोयशिया, स्लोभानिया, डेनमार्क, फिनल्याण्ड, स्वीडेन र लक्जेम्वर्गबीच कुराकानी भएको उहाँले बताउनुभयो ।

जर्मन चान्सलर एन्गेला मर्केल, फ्रान्सका राष्ट्रपति इमानुयल म्याक्राँ, स्पेनी प्रधानमन्त्री पेड्रो साञ्चेज, माल्टाली प्रधानमन्त्री जोसेफ मस्कटले यस पहिले नै सम्मेलनमा सहभागिता हुने जनाएका अधिकारीहरूले भनेका छन् ।

यूरोपेली स्रोतका अनुसार सम्मेलनमा इटाली र ग्रीस पनि सहभागी हुनेछन् । तर हङ्गेरी, पोल्याण्ड चेक रिपब्लिक र स्लोभाकियाजस्ता आप्रबासी समस्याबारे विरोधी मानिने मुलुकले सम्मेलनमा सहभागीता नजनाउने बताइसकेका छन् ।

प्रतिक्रिया

सम्बन्धित सामाग्री