बिहीबार, असोज ८ २०७७ | Thu, September 24, 2020
नेपालको समय: ०३:०५ | UK Time: 22:20

ब्राजिलको कोस्टारिकामाथि ‘नाटकीय’ जित

वीनेपाली
२०७५ असार ८ गते १५:२३

काठमाडौं-फिफा विश्वकप २०१८ को समूह ‘ई’ को आफ्नो दोस्रो खेलमा ब्राजिलले कोस्टारिकामाथि इन्जुरी समयमा २ गोल गर्दै नाटकीय जित निकालेको छ । शुक्रबार भएको खेलमा ब्राजिलले दुवै गोल इन्जुरी समयमा निकालेको थियो ।

खेलको ९१ औ मिनेटमा फिलिप काउटिन्होले ब्राजिलका लागि पहिलो गोल गरेका थिए । र, अन्तिम अर्थात इन्जुरी समयको ७ औं मिनेटमा नेयमारले दोस्रो गोल गर्दै ब्राजिललाई २ गोलको जित दिलाए ।

यसअघि पहिलो खेलमा ब्राजिलले स्वीजरल्याण्डसँग बराबरी खेलेको थियो । जसका कारण ब्राजिल आजको खेल जित्नैपर्ने दबाबमा थियो । खेल अवधिभर अधिकांश समय बल आफ्नो कब्जामा राखेको ब्राजिलले गोल भने गर्न सकेको थिएन ।

ब्राजिलको जितसँगै अंक तालिकामा २ खेलबाट ४ अंक भएको छ । कोस्टारिका भने दोस्रो हारसँगै समूह चरणबाट बाहिरिने सम्भावना बढेको छ ।

अब ब्राजिलले अन्तिम खेलमा १३ असारमा सर्वियासँग खेल्नेछ ।

प्रतिक्रिया

सम्बन्धित सामाग्री

फेसबुक