सोमबार, असोज १२ २०७७ | Mon, September 28, 2020
नेपालको समय: ०७:०९ | UK Time: 02:24

मेसीको पेनाल्टी प्रहार विफल हुँदा आइसल्याण्ड र अर्जेन्टिना १–१ को बराबरीमा

रासस/एएफपी
२०७५ असार २ गते २२:२०

तस्विर- गेट्टी इमेजेज

मस्को, रूस, २ असार – फुटबल जगतमा बहुचर्चित अर्जेन्टिनी खेलाडी लियोनल मेसीको विश्वकप अन्तर्गत शनिबार भएको खेलमा पेनाल्टी प्रहार विफल हुँदा यूरोपियन नवउदयमान समूह आइसल्याण्डले अर्जेन्टिनालाई १–१ को बराबरीमा रोक्न सफल भएको छ ।

अर्जेन्टिनाका सर्गियो अग्युरोले खेलको १९ औँ मिनेटमा गोल गरेर आफ्ना समर्थकलाई खुशी तुल्याए । तर उक्त खुशीलाई आइसल्याण्डले धेरै समय रहन दिएन ।

खेलको २३ औँ मिनेटमा आइसल्याण्डका फिन बोगासनले गरेको सानदार गोल नै अर्जेन्टिनाको खेललाई बराबरीमा राख्न सफल सावित भएको छ  ।

समूह ‘घ’ बाट भएको पहिलो खेलमा अधिकांश समय बल अर्जेन्टिनाको नियन्त्रणमा रहेपनि गोल लगाउन भने दक्षिण अमेरिकी समूह चुकेको छ ।

फ्रान्सद्वारा अष्ट्रेलिया ले पराजीत

काजन, रूस, २ असार – विश्वकप फुटबलको तेस्रो दिन तथा समूह ‘ग’ अन्तर्गतको पहिलो खेलमा शनिबार फ्रान्सले अष्ट्रेलियालाई २–१ गोल अन्तरले पराजीत गरेको छ ।

काजनमा भएको खेलमा फ्रान्सका लागि एन्टोनी ग्रीज्म्यानले भिडियो असिस्टेन्ट रेफ्री (भिएआर) को पहिलो निर्णयको माध्यमबाट पाएको पेनाल्टी सुटआउटको अवसरलाई सिधै गोल गरे । खेलको पहिलो हाफमा बराबरी रहेको अष्ट्रेलियालाई दोस्रो हाफको ५८ औँ मिनेटमा गोल गरेर खेल आफ्नो पकडमा लिन सफल भएको थियो ।

फ्रान्स विश्वकप फुटबलमा यस वर्षमात्र प्रयोगमा ल्याइएको भिएआर प्रणालीको माध्यमबाट आफ्नो पोल्टामा निर्णय पार्ने भाग्यमानी पहिलो टोली भएको छ ।

फ्रान्सले गोल गरेको चार मिनेटभित्रै ६२ औँ मिनेटमा अष्ट्रेलियालाई मिलेको पेनाल्टीको अवसरलाई सदुपयोग गर्दै माइल जेदिनाकले खेललाई बराबरीमा सीमित गराए ।

तर खेलको अन्तिम समयतिर ८१ औँ मिनेटमा फ्रान्सका पाउल पोग्वाले गोलका लागि पाएको सुन्दर अवसरलाई सदुपयोग गरेपछि अष्ट्रेलियाका लागि खेलमा निकै ‘प्रेसर’ परेको थियो ।

दुवै समूहले निकै प्रतिस्पर्धात्मक रूपमा आफूलाई प्रस्तुत गर्दा खेल निकै उत्साहजनक थियो । तर खेलमा पोग्वाको दोस्रो गोल नै फ्रान्सको विजयका लागि निर्णायक भएको थियो ।

उरुग्वे विजयी, पोर्चुगल र स्पेन बराबरीमा

विश्वकप फुटवल प्रतियोगिता अन्तर्गत गएराती भएको दुई खेल मध्ये पहिलो खेलमा उरुग्वे विजयी भएको छ भने दोस्रो खेलमा पोर्चुगल र स्पेन बराबरीमा रोकिएका छन् ।

समूह बी अन्तर्गतको दोश्रो खेलमा स्पेन र पोर्चुगलबीचको भीडन्तमा पोर्चुगलका क्रिश्टियानो रोनाल्डोले ह्याट्रिक गरेका छन् । स्पेनका डिएगो कोष्टाले २ तथा नाचोले १ गोल गरेका छन् ।

खेलको ८८ औं मिनेटमा फ्रि किकमार्फत आकर्षक गोल गर्दै रोनाल्डोले यो विश्वकपमा पहिलो ह्याट्रिक गरेका हुन् ।

खेलको तेस्रो मिनेटमै रोनाल्डोको पेनाल्टीमार्फतको गोलबाट पोर्चुगलले अग्रता लिएको थियो । रोनाल्डोलाई स्पेनका न्याचोले डि एरियाभित्र गल्ती गरेपछि पेनाल्टी पाएका हुन् । दुवै रियल म्याड्रिडमा सँगै खेल्ने खेलाडी हुन् ।

त्यसैगरी पहिलो खेलमा समूह ‘ए’ को दोस्रो खेलमा उरुग्वेले इजिप्टलाई १ – ० गोल अन्तरले हराएको छ । दोस्रो हाफमा आक्रामक बनेको खेलमा ८९ औँ मिनेटमा जस गिमिनेजले गोल गर्दै उरुग्वेलाई निराश हुनबाट जोगाए ।

सन् १९९० पछि पहिलोपटक विश्वकपमा छनोट भएको अफ्रिकन टोली इजिप्टले उरुग्वेसँग यस पटक निकै प्रतिस्पर्धात्मक खेल खेलेको छ ।

प्रतिक्रिया

सम्बन्धित सामाग्री

फेसबुक