आइतबार, असोज ४ २०७७ | Sun, September 20, 2020
नेपालको समय: २३:४४ | UK Time: 18:59

सगुनमा लगानीको अन्तिम अवसर खुल्ला

वीनेपाली
२०७५ जेठ २५ गते १३:३०

लन्डन । अमेरिकाका नेपालीले शुरु गरेको सोसियल इ 
कमर्स साइट ‘सगुन’ ले तेश्रो तथा अन्तिम चरणमा लगानीको अवसर खुल्ला गरेको छ ।

स्टर्ट अप कम्पनी सगुनले यही जुन १५ सम्म अन्तिम समयसीमा दिंदै लगानीका लागि विश्वभर छरिएर रहेका नेपालीहरुलाई आव्हान गरेको हो । उत्तर कोरिया र इरानबाहेक विदेशमा रहेका नेपालीले डेबिट र क्रेडिट कार्डमार्फत कम्तीमा एक हजार डलरको शेयर खरिद गर्न सक्नेछन् ।

सगुनले गत वर्ष सन् २०१७, जुलाई २७ मा अमेरिकी निकाय ‘सेक्युरिटीज एण्ड एक्सचेन्ज कमिसन’ को कानुनी अधिनमा रहि मिनी आइपिओ मार्फत २० मिलियन डलर उठाउन पाउने अनुमति पाएको थियो । सगुनका सह संस्थापक कविन्द्र सिटौलाले हालसम्म पांच मिलियन डलर उठिसकेको र हिन्दूस्तान टाइम्सले पांच मिलियन डलर लगानी गर्ने घोषणा गरिसकेको जानकारी दिए ।

अहिले सगुनमा ४ हजार जना लगानीकर्ता रहेको जनाउंदै सिटौलाले लगानीकर्ता संख्या ८ हजार पुगे सगुन संसारकै सबैभन्दा ठूलो स्टार्ट अप कम्पनी हुने जिकिर गरे । ‘नेपालीमाझ इनोभेसन कल्चर विकास गर्ने हाम्रो मुख्य उद्देश्य हो’, सहसंस्थापक सिटौलाले भने, ‘नेपाललाई इनोभेटिभ देश भनेर विश्वमाझ चिनाउन चाहन्छौं हामी । तर हामीलाई विश्वभरका नेपालीको साथ आवश्यक छ ।’

‘कनेक्ट, शेयर, अर्न’ मिसन लिएको सगुनको शुरुका दिन दुई मिलियन डलर भ्यालु रहेकामा अहिले ९२ मिलियन डलर पुगेको र सन् २०२२ सम्म यो न्यूयोर्क स्टक एक्सचेन्जमा पुग्ने दावी छ ।

हाल प्रविधि विकास, बजार प्रवर्धन र विज्ञ पदपूर्तिलाई केन्द्रमा राखेर अगाडि बढिरहेको सगुनले केही महिनाअघिमात्र दिल्लीमा 
‘एन्ड्रोयड एप’ सार्वजनिक गरेको थियो । उसको ‘एन्ड्रोयड एप’ दश लाख बढि डाउनलोड भइसकेको छ । सगुनले 
गिफ्ट र सपिङका लागि निकट भविष्यमा ‘सोसियल स्मार्ट कार्ड’ ल्याइने समेत जनाएको छ ।

सगुनमा लगानी गर्न भारतीय ठूला मिडिया हाउससंगै सेलिब्रेटी पनि आकर्षित भएका बताइएको छ । हालैमात्र भारतकी चर्चित मिडिया सेलिब्रेटी मन्दिरा वेदीले सगुनमा लगानी गर्ने घोषणा गरेकी थिइन् । सगुनको भारतमा पनि कार्यालय छ ।

प्रतिक्रिया

सम्बन्धित सामाग्री

फेसबुक