बिहीबार, असोज १५ २०७७ | Thu, October 01, 2020
नेपालको समय: १०:१३ | UK Time: 05:28

क्रिकेट प्रतियोगिताको उपाधि प्रदेश ७ लाई

वीनेपाली
२०७५ वैशाख २० गते १३:३५

काठमाडौँ-मनमोहन मेमोरियल अण्डर-१६ (१६ वर्षमुनि) राष्ट्रिय क्रिकेट प्रतियोगिताको उपाधि प्रदेश नं ७ ले हात पारेको छ । कीर्तिपुरस्थित त्रिवि मैदानमा बुधबार भएको फाइनल भिडन्तमा प्रदेश ७ ले प्रदेश नं २ लाई २४ रनले पराजित गर्दै उपाधिमाथि कब्जा जमाएको हो ।

टस जितेर पहिले ब्याटिङ गरेको प्रदेश ७ ले निधारित २० ओभरमा ७ विकेट गुमाउँदै २०८ रनको योगफल बनायो । उसका लागि राहुल भण्डारीले ३८, रोशन सावदले ३७, हृदय विदारीले ३३ तथा नरेन्द्र सावदले २० रन जोडे । बलिङमा प्रदेश २ का विवेक यादवले २ विकेट लिए ।

दुईसय ९ रनको लक्ष्य पाएर जवाफी व्याटिङमा उत्रेको प्रदेश २ निर्धारत ३० ओभरमा ९ विकेट गुमाएर १९४ रनमा समेटियो । प्रदेश २ का लागि अमित यादवले ८०, तृत राजले २७ तथा साहिल पटेलले २५ रन बनाए भने इमरान शेखले १२ रन जोडे ।

प्रदेश २ लाई १९४ रनमा समेट्ने क्रममा प्रदेश ७ का मनोज लोथ्यालले ५ विकेट लिए भने नरेन्द्र साउदले ३ विकेट झारे । मनोज फाइनल खेलका म्यान अफ दि म्याच घोषित भए ।

उपाधिसहित प्रदेश ७ ले रु दुई लाख ५० हजार हात पारयो भने उपविजेतामा चित्त बुझाएको प्रदेश २ ले क्रिकेट किट्सहित रु एक लाख ५० हजार प्राप्त गरयो ।

प्रतियोगितामा प्रदेश २ का विवेक यादव म्यान अफ दि सिरिज घोषित भए । उनले उपाधिसहित रु १० हजार प्राप्त गरे । यस्तै प्रदेश २ कै अमित यादव उत्कृष्ट ब्याट्सम्यान तथा प्रदेश ७ का नरेन्द्र साउद उत्कृष्ट बलर चुनिए । दुवैले जनही रु पाँच हजार प्राप्त गरे ।

त्यसैगरी, प्रदेश ७ का राजन सिंह उत्कृष्ट विकेट किपर र हृदय विदारी उत्कृष्ट फिल्डर घोषित भए । दुवैले ट्रफी प्राप्त गरे ।

प्रतिक्रिया

सम्बन्धित सामाग्री

फेसबुक