काबुल हमलामा ८ पत्रकारसहित २५ जना मारिए

काबुल, १७ वैशाख – अफगानिस्तानको राजधानी काबुलको मध्य भागमा पर्ने एक नगरमा सोमबार बिहान भएका दुई आत्मघाती बम विस्फोटमा परी मारिनेको संख्या २५ पुगेको छ । ज्यान जानेमा ८ जना पत्रकार र ४ प्रहरी अधिकृत पनि छन् । उक्त हमलामा परी कम्तीमा ४५ जना घाइते छन् । घाइतेहरुको उपचार जारी छ ।

मध्य काबुलको एक जिल्लामा भएको आत्मघाती बम हमलामा परी ८ जना पत्रकार र ४ प्रहरी अधिकृतको ज्यान गएको गृह मन्त्रालयका प्रवक्ता नजिव डेनिसले बीबीसीलाई जनाएका छन् । अफगानिस्तानको पत्रकार वकालत समूहले मारिने पत्रकारका बारेमा खोजी भइरहेको जनाएको छ ।

उक्त आत्मघाती विस्फोट आफ्नो समूहले गराएको दावी आइएसले गरेको छ ।