बिहीबार, असोज ८ २०७७ | Thu, September 24, 2020
नेपालको समय: ०७:२२ | UK Time: 02:37

यूरोप तथा अमेरिकापछि नेटो पनि रुस विरुद्ध !

रासस-एएफ्पी
२०७४ चैत १४ गते १:२६

रुसी पूर्वगुप्तचर सर्गेइ स्क्रिपाल र छोरी युलिया

ब्रसेल्स, बेल्जियम, १३ चैत – उत्तर एटलान्टिक सन्धि संगठन (नेटो) प्रमुख जेन्स स्टोल्टेनवर्गले रुसका पूर्व कूटनीतिज्ञ सेर्गेई स्क्रिपाल र उहाँकी छोरी युलिआको हत्या प्रयासमा रूस नै दोषी रहेको आरोप लगाउँदै यसबारे मङ्गलबार उपयुक्त कदमसहित अघि बढ्ने बताउनुभएको छ ।

रूसका पूर्व कूटनीतिज्ञलाई हत्या गर्ने षड्यन्त्र अनुसार उहाँ बेलायतमा रहेका समय रूसमा बन्ने नोभिचोक नामक बिषादी नसाबाट दिइएको यूरोपेली मुलुक तथा अमेरिकाको आशङ्का छ ।

स्क्रिपाल तथा उहाँकी छोरीमाथिको आक्रमणबाट निम्तिएको समस्या र यस बिषयमा इयूका अधिकांश सदस्यसहित अमेरिकाले लिएको कदमपछि नेटोले पनि आफ्नोतर्फबाट थप निर्णयहरूको घोषणा गर्ने स्टोल्टेनवर्गद्वारा हस्ताक्षरित संक्षिप्त विज्ञप्तिमा जनाइएको छ ।

यसै बिषयमा विश्वका करिब २४ राष्ट्रले करिब १०० जना रूसी कूटनीतिज्ञलाई फिर्ता पठाउने निर्णय गरिसकेका छन् । यो दोस्रो विश्वयुद्धपछि यूरोप तथा अमेरिकासहितका मुलुकले रूसविरुद्ध लिएको पहिलो कडा प्रतिक्रिया भएको अन्तर्राष्ट्रिय सञ्चारमाध्यमहरूले बताएका छन् ।

प्रतिक्रिया

सम्बन्धित सामाग्री

फेसबुक