सोमबार, असोज ५ २०७७ | Mon, September 21, 2020
नेपालको समय: ०४:५२ | UK Time: 00:07

‘राज्यद्रोह’ अभियोग लागेका पूर्व क्याटलान नेता जर्मनी छिर्ने क्रममा पक्राउ

रासस-एएफ्पी
२०७४ चैत १२ गते ०:३३
Carles Puigdemont

चाल्स पुज्डमोन, तस्विर- एपी

बर्लिन, जर्मनी, ११ चैत – जर्मनी प्रहरीले पूर्व क्याटलोनियाली राष्ट्रपति चाल्स पुज्डमोनलाई आइतबार डेनमार्कबाट जर्मनी प्रवेश गर्ने क्रममा पक्राउ गरेको छ ।

पुज्डमोनलाई स्थानीय समय अनुसार विहान ११.१९ बज स्केलस्वीग–होलस्टेन राजमार्ग प्रहरी गस्ती टोलीले नियन्त्रणमा लिएको जर्मन प्रहरीका प्रवक्ताले एएफ्पीलाई बताउनुभयो । उहाँलाई यूरोपेली पक्राउ पूर्जीका आधारमा जेलमा राखिने छ ।

“पूर्व स्पेनी नेता अहिले प्रहरी हिरासतमा हुनुहुन्छ,” प्रहरी प्रवक्ताले भने ।

पुज्डमोनको दलका प्रवक्ता आन्ना ग्राबालोसाले पनि आफ्ना नेताको डेनमार्कबाट जर्मनी जाने क्रममा जर्मनीको एक राजमार्गबाट पक्राउ गरिएको पुष्टि गर्नुभएको छ ।

ग्रावालोसाले भन्नुभयो, “नेता पुज्डमोनलाई हिरासतमा सकुशल राखिएको छ । अहिले मैले यतिमात्र भन्न सक्छु ।”

स्पेनको क्याटलोनियालाई स्वतन्त्र राज्य बनाउने अभियानमा लागेका पुज्डमोनमाथि स्पेनको केन्द्र सरकारद्वारा ‘राज्यद्रोह’ गरेको आरोपमा पक्राउ पूर्जी जारी गर्दै खोजीको सूचिमा राखिएको थियो ।

उहाँ गत बिहीबारदेखि फिनल्याण्ड भ्रमणमा हुनुहुन्थ्यो । तर फिनल्याण्ड प्रहरीले पक्राउ गर्न नपाउँदै जर्मनीतर्फ जानुभएको थियो ।

पुज्डमोनका वकील जाउमे अलान्सो–केभिलसले जर्मनी हुंदै बेल्जियम फर्किने क्रममा पूर्व क्याटलोनियाली नेतालाई जर्मन प्रहरीले पक्राउ गरेको बताउनुभयो । उहाँ क्याटलोनियामा केन्द्र सरकारको प्रत्यक्ष शासन शुरु हुनु अगावै बेल्जियम पुगी स्वघोषित निर्वासनमा रहँदै आउनुभएको छ ।

प्रतिक्रिया

सम्बन्धित सामाग्री

फेसबुक