सिनेटमा खर्च विधेयक पारित हुन नसक्दा काम ठप्प

वासिङटन, ६ माघ – अमेरिकाको माथिल्लो सदन सिनेटमा सरकारको खर्च विधेयक पारित हुन नसक्दा सरकारी काम काजमा प्रभाव परेको छ । सो विधेयक पारित भएको भए एक महिनाको लागि सङ्घीय निकायलाई खर्च उपलब्ध हुने व्यवस्था थियो ।

यद्यपी निकायका कर्मचारी काममा फर्कने दिन सोमबारसम्म त्यसको व्यवहारिक प्रभाव देखिने जस्तो छैन् ।

ह्वाइट हाउसको संसद र सिनेट दुबै सदनमा रिपब्लिकनको नियन्त्रण रहँदासमेत यस्तो अवस्था देखिएको यो पहिलो पटक हो ।

यस अघि पछिल्लो पटक सन् २०१३ मा सरकारी निकाय खर्च विहीन भएर १६ दिनसम्म कामकाज रोकिएको थियो ।