बेलायतवासी निर्माता र नायक अभिनित ‘उल्झन’ को छायांकन सकियो

लन्डन । बेलायतवासी निर्माता र नायक अभिनित फिल्म ‘उल्झन’ को छायांकन सकिएको छ । रुमानी सपना बोकेर बिदेशिएको युवा, उसको भोगाई र त्यसले घर समाजमा उत्पन्न परिस्थिति लाई विषयबस्तु बनाएर निर्माण गरिएको चलचित्र ‘उल्झन’ को नेपालको सम्पूर्ण छायांकन सकिएको निर्माण पक्षले जनाएको छ ।

बेलायत निवासी ध्रुब दत्त, रजनी केसी, बेनी ढुंगाना, दिनेश शर्मा, रामचन्द्र अधिकारी लगायत कलाकारहरुको अभिनय रहेको उक्त चलचित्रको छायांकन सकेर नायक दत्त बेलायत फर्किइसकेका छन् । चलचित्रले समाजको ज्वलन्त कथा बोलेको र निर्माण प्रकृयामा विशेष ध्यान दिइएकाले दर्शकहरुले चलचित्र मन पराउने विश्वास दत्तलाई छ ।

नेपाल र बेल्जियममा छायांकन गरिएको सो चलचित्रमा तेजेन्द्र 
कंडेलको प्रस्तुति र राजु अधिकारीको निर्देशन छ । अंग्रेजी नयां वर्षको सेरोफेरोमा बेलायत र बेल्जियममा वल्ड प्रिमियर 
गर्ने सोच निर्माताहरुको छ ।

उक्त चलचित्रको निर्माताहरुमा नवीन अधिकारी, सन्तोष अधिकारी र हरि कार्की एवं यूके प्रोड्युसरमा नारायण ढुंगाना छन् ।