शनिबार, असोज ३ २०७७ | Sat, September 19, 2020
नेपालको समय: ०८:४७ | UK Time: 04:02

धनपति टिमलाई लन्डनमा सम्मान

वीनेपाली
२०७४ भदौ ६ गते १०:१०

लन्डन । नेपाली चलचित्र ‘धनपति’ को बेलायत प्रिमियरमा आएका कलाकार/निर्देशकलाई लन्डन साउथ हयारोस्थित माया पबका तर्फबाट सम्मान गरिएको छ । गत शनिबार एक कार्यक्रमबीच पबका सञ्चालकहरु सिद्धार्थ विक्रम क्षेत्री, रबिन गुरुङ लगायतले ‘धनपति’ फिल्मका निर्देशक दीपेन्द्र के खनाल, कलाकार-लेखक खगेन्द्र लामिछाने र निर्मात्री रोजिना सिटौलालाई खादाले सम्मान गरे । सम्मान गर्दै माया पबका सिद्धार्थविक्रम क्षेत्रीले कलाकारहरुको बेलायत बसाइ सुखद र सार्थक रहोस् भन्ने शुभकामना दिएका थिए । कलाकारहरुले पनि आयोजकप्रति आभार व्यक्त गरे ।

कार्यक्रममा नेपाली चलचित्रको बजार र वर्तमान अवस्थाबारे छलफल भएको थियो ।

यसअघि विश्व एथलेटिक्स अन्तर्गत म्याराथनमा भाग लिन आएका नेपालका खेलाडी भूमिराज राई र अफिसियललाई पनि माया पबले सम्मान गरेको थियो । अहिले संघसंस्थाका बैठक, समारोह र जमघटका लागि ‘माया पब’ केन्द्र बनेको छ ।

प्रतिक्रिया

सम्बन्धित सामाग्री

फेसबुक