शुक्रबार, असोज ९ २०७७ | Fri, September 25, 2020
नेपालको समय: ०१:५६ | UK Time: 21:11

धनपतिको अल्डरसट प्रिमियर शो सम्पन्न, हयारोको स्थगित

वीनेपाली
२०७४ भदौ ६ गते ९:५८

लन्डन । नेपाली चलचित्र ‘धनपति’ को अल्डरसटस्थित एम्पायर हलमा रेड कार्पेट प्रिमियर शो गरिएको छ ।

गत अगष्ट १८ सांझ नेपालबाट आएका उक्त फिल्मका निर्देशक दीपेन्द्र के खनाल, कलाकार/लेखक खगेन्द्र लामिछाने र निर्मात्री रोजिना सिटौलाको सहभागितामा प्रिमियर शो भएको हो ।

बेलायत प्रिमियरमा सहभागी हुने अवसर पाएकामा नेपालबाट आएका कलाकार निर्देशक प्रसन्न देखिन्थे ।

नेपालमा रिलिज भइसकेको धनपतिले नेपाली समाजको वास्तविकता उजागर गर्ने निर्देशक खनालले जनाए । यही समूहको अघिल्लो 
प्रोजेक्ट ‘पशुपतिप्रसाद’ नेपालमा सफल मानिएको थियो ।

३२ बक्स र जि ९ इन्टरटेन्मेन्टसले फिल्म बेलायतमा ल्याएका हुन् । उक्त फिल्म आसफोर्ड, क्याट्रिक, न्यू क्यासल, रेडिङ, हयारो, एडिनबरा, एबरडिन, ब्लान्डफोर्ड, योर्क, ननिटन आदि शहरमा प्रदर्शन गरिने जि ९ इन्टरटेन्मेन्टसका प्रशान्त राईले जनाए ।

२० अगष्ट आइतबार लन्डनस्थित सफारी सिनेमा हलमा 
गर्ने भनिएको प्रिमियर शो भने स्थगित भएको छ । प्राविधिक कारणले उक्त शो १० सेप्टेम्बरका लागि सारिएको आयोजकले बताएका छन् ।

३२ बक्स र जि ९ इन्टरटेन्मेन्टसले नेपालका सफल चलचित्र नियमित रुपमा बेलायतमा प्रदर्शन गर्ने लक्ष्य लिएका छन् ।

प्रतिक्रिया

सम्बन्धित सामाग्री

फेसबुक