प्रा. डा. विजन पन्त
लन्डन । माया प्रेम स्मृति प्रतिष्ठान गवटार गोरखाले तराईमा आएको बाढीबाट पीडितको सहयोगका लागि एकलाख रुपैयां सहयोग घोषणा गरेको छ ।
प्रतिष्ठानका संरक्षक प्रा. डा. विजन पन्तले आफू कामको सिलसिलामा बेलायतको अक्सफोर्ड विश्वविद्यालयमा रहेकाले संकटको बेला प्रत्यक्ष संलग्न भइ राहतमा जुट्न नसकेकोमा खिन्नता व्यक्त गर्दै आफ्नो सानो सहयोग सरकारको राहत कोषमार्फत हुने जानकारी दिए ।
डा. पन्तले राष्ट्रमा आएको यस्ता प्राकृतिक विपत्तिमा सरकारमार्फत (स्थानीय इकाइ) सहयोग गरि राष्ट्रिय एकताको सन्देश दिन र राज्यले पनि सोही अनुसारको पारदर्शी सक्रियता देखाउन आग्रह गरेका छन् ।
लोककल्याणकारी राज्यको परिचय जनताको विपत्तिमा सरकारले खेलेको भूमिकाले प्रष्ट पार्ने पन्तको बुझाइ छ ।
