सोमबार, असोज १२ २०७७ | Mon, September 28, 2020
नेपालको समय: ०७:५८ | UK Time: 03:13

ननिटनमा नेपालीको च्यारिटी दौड तयारी

वीनेपाली
२०७४ जेठ १० गते १३:५२


लन्डन । नेपलिज कम्युनिटी ननिटनले आगामी ४ जुन आइतबार एउटा च्यारिटी दौड गर्ने भएको छ । ‘रन फर नेपाल यूके’ नाम दिइएको उक्त च्यारिटी दौड चौंथो पटक हुन लागेको हो । दौडमा विभिन्न उमेर समूह सहभागी हुने कम्युनिटीले जनाएको छ । क्याटेगोरी वानमा ५ किमी र क्याटेगोरी टुमा १० किमी लामो दौड हुनेछ ।

बिहान ११ बजे स्यान्डन पार्क, वेडिङटनबाट शुरु हुने दौड वेडिङटन ट्रेल, क्याम्प हिल कम्युनिटी नेचर पार्क, कोभेन्ट्री कनाल हुंदै स्यान्डन पार्कमा आएर समापन हुने जनाइएको छ ।

५ पाउण्ड शुल्क राखिएको उक्त च्यारिटी दौडमा भाग लिन कम्युनिटीले सबैमा आग्रह गरेको छ । यसपटक दौडबाट संकलित रकम आम्ड फोर्सेस च्यारिटी र दि हेल्प नेपाल अपिलका लागि प्रदान गरिने आयोजक कमिटीका सदस्य विनोद श्रेष्ठले जनाए । उनले दौड कार्यक्रमले नेपालीहरुलाई एकै ठाउंमा एकत्रित गरेर आर्थिक सहयोग जुटाउने बताए ।

बिजेताले मेडल र प्रत्येक क्याटेगोरीबाट कपल वीनरलाई जिन्जर ट्रीले प्रायोजन गरेको ‘फ्रि’ खाना भाउचर दिइनेछ । इभेन्टमा बालबालिकाका लागि विभिन्न खेल र भूतपूर्व ब्रिटिस गोर्खा सेफ सालिक पुनको बीबीक्यू स्टायल खाना थप आकर्षण हुनेछ ।

प्रतिक्रिया

सम्बन्धित सामाग्री

फेसबुक