लन्डन । नेपाली युथ एसोसिएसनले युवाहरुमा अभिप्रेरणा जगाउने उद्देश्यले आइतबार २१ मेमा दोस्रो ‘युथ टक शो’ गर्ने भएको छ ।
चाल्टन फुटबल क्लबमा हुने युथ टक शोमा मुख्य अतिथी हुनेछन् बेलायतको संसदीय निर्वाचनमा डार्टफोर्ड क्षेत्रका लागि लेबर पार्टीका उम्मेद्वार डा. बच्चुकैलाश कैनी । कैनीले ‘मोटिभेसनल स्पीच’ दिने कार्यक्रम छ । टक शोमा कैनीसंग युवाहरुले विभिन्न जिज्ञासा एवं अन्तरक्रिया गर्ने छन् ।
बेलायती संसदीय निर्वाचनमा उम्मेदवार बन्ने पहिलो नेपाली मुलका कैनीको स्वास्थ्य क्षेत्रमा पनि अनुभव र दक्षता छ ।
दिउसो ३ बजेदेखि शुरु हुने टक शो कार्यक्रम संयोजक तथा एसोसिएसनका उपसभापति लक्ष्मण गुरुङले चलाउने छन् । कार्यक्रममा ग्रीनवीच बरोका काउन्सिलर तथा समासेवीहरुको उपस्थित हुने एसोसिएसनले जनाएको छ ।
एसोसियसनका सभापति दिपेन गुरुङ र उपसभापति राजन खकुरेलले पृथक शैलीमा हुने कार्यक्रममा सहभागी हुन सम्पूर्ण युवाहरुलाई अनुरोध गरेका छन् ।
