बेलायतमा हस्तकलामा रमाउंदै अरुणसागर, बनाए चमत्कारिक मन्दिर

लन्डन । बेलायतको अत्याधुनिक रमझम, आधुनिक र भौतिक सपनाको दुनियामा नरमाउने कमै होलान् । तर, ७ वर्षदेखि बेलायतको वकिङ बस्दै आएका अरुणसागर खत्री क्षेत्रीको फूर्सदिलो समय घुमेर होइन, हस्तकलामा बित्ने गर्छ ।

उनले भर्खरमात्र एउटा मन्दिर बनाएका छन् । उनले बनाएको हिन्दूहरुको पवित्र पेगोडा शैलीको मन्दिर देख्दा मानिस अचम्मित हुन पुग्छन् । आधुनिक प्रविधि प्रयोग गरि निर्मित उक्त मन्दिर यस्तो छ कि घण्टी बजाएपछि ढोका खुल्छ, विजुली बत्ति र दियो बल्छ । अनि पूजा गरेपछि फेरि घण्टी बजाउंदा सबै बन्द हुन्छ ।

‘जुनसुकै कुनामा रहेपनि मन, मुटु र मस्तिष्कको कुनामा नेपाल नै हुने रहेछ’, अरुण भन्छन्, ‘मेरो मनमा सधैं नेपाली कला, संस्कृतिको भावना लुकेको हुन्छ, मलाई त्यसैमा रमाउन मन लाग्छ ।’

नेपाली कला संस्कृतिको जगेर्ना र सम्वर्धन गर्ने उद्देश्यले मन्दिर निर्माण गरेको जनाउंदै उनले हस्तकलाको माध्यमबाट देशप्रेम अभिव्यक्त गर्ने प्रयास पनि भएको उल्लेख गरे ।

हस्तकला सानैदेखि उनको सौख हो ।

उनको चमत्कारिक हस्तकला हेर्नुहोस् भिडियोमा